Plantun de Prouvènço

Pèr coumpara dos planto d'encò nostre

Leontodon tuberosus & Aquilegia atrata

Moulin-de-prat(-bóujoula)

Leontodon tuberosus

Asteraceae Compositae

Autre noum : Mounge.

Nom en français : Liondent tubéreux.

Descripcioun :
Aquéu moulin-de-prat trachis dins li tepiero sablouso e argilouso. Flouris de la fin de l'estiéu au printèms segound li plueio, e pièi passo lou gros de la calourasso bonodi sa racino bóujoulado, o tuberisado s'amas miés. Lis akène dóu bord de la flour coumpausado an eici ges d'eigreto e rèston de tèms après la cabusso dis akène dóu mitan.

Usanço :
Li racino soun manjado crus (Grèço, Espagno, Sicilo) e li fueio peréu en ensalado o cuecho à la vapour (F. Couplan, op.cit. p. 424).

Port : Erbo
Taio : 5 à 40 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) enflourejado : 2 à 3 cm
Flourido : Printèms Autouno - Ivèr

Sòu : Ca
Autour basso e auto : 0 à 800 m
Aparado : Noun
Setèmbre à abriéu

Liò : Tepiero sablouso - Tepiero argielouso - Ermas - Orle
Estànci : Termoumediterran à Mesoumediterran
Couroulougi : Estenoumediterranenco
Ref. sc. : Leontodon tuberosus L., 1759

Galantino(-negrinello)

Aquilegia atrata

Ranunculaceae

Àutri noum : Aglantino, Gant-de-pastresso, Erbo-de-Nosto-Damo.

Nom en français : Ancolie noirâtre.

Descripcioun :
La galantino-negrinello es uno poulido planto que trachis au nostre subretout en basso mountagno. Pèr la destria de si cousino fau regarda lis estamino dóu dedins que dèvon pas s'acaba en pouncho (un pau redouno-fotò). En mai d'acò aquéstis estamino despasson li petalo de mai de 3 mm. Après li flour soun mai founso e un pau pu pichoto qu'encò de Aquilegia vulgaris. Pensa de coumpara en quichant sus la flècho verdo aqui souto.

Usanço :
Poudèn pensa qu'a li mémi prouprieta que Aquilegia vulgaris.